Lipoti Faiga Fa’atosina a atunu’u mai fafo

O le aufaigaluega a le ofisa o le malo mai fafo e aofia ai le tele o tagata o lo'o galulue i le tautuaina a se malo mai fafo, e aofia ai sui po'o tagata faigaluega a se malo mai fafo, sui o le fa'amasinoga i se atunu'u ese, tagata faigaluega i kamupani o lo'o pulea pe umia e se malo mai fafo ma tagata faigaluega o fa'alapotopotoga fa'avaomalo lautele.

E tele ituaiga o faiga fa’atosina ma faiga fa’api'opi'o, ma e fa’apena foi i faiga fa’atosina mai atunu’u i fafo.  I se fa’aupuga fa’afaigofie, o le aufaigaluega a le malo mo atunu’u i fafo o lo'o ofoina atu se mea (tu’usao, pe e le tu'usa'o f.t. ofoina atu i se tagata o lona aiga) ina ia taui e le aufaigaluega a le malo mo atunu’u i fafo se mea e le tatau ona latou faia pe aloese mai le faia o se mea e tatau ona latou faia.

O nisi o fa’ata’ita’iga o faiga fa’atosina mai fafo e aofia ai tagata Niu Sila e mafai ona aofia ai:

·       O se faufautua o lo'o galue mo se kamupani Niu Sila e ofoina atu oloa totogi fua i se ofisa o tiute mai fafo ina ia aua le amana'iaina ai nisi o tulafono fa’atonutonu e feso'ota'i ma le fa'aulufale mai o oloa.

·       O se tagata faigaluega i se kamupani Niu Sila na te ofoina atu se avanoa faigaluega i le atali’i o se tagata faigaluega a aufono fa’alotoifale mo atunu’u i fafo e taui ai mo le tu’uina atu o se laisene pisinisi e galueaina ai i totonu o lena itumalo.

·       O se sui mo atunu’u i fafo o se kamupani Niu Sila e totogia se tinoitupe i le pule o fa’atauaiga a se kamupani a le malo mo atunu’u i fafo e fa’amautu ai se konekarate mo le kamupani Niu Sila.

·       O se tagata faigaluega mo atunu’u i fafo o le malo e tu’uina atu i se kamupani Niu Sila fa’amatalaga e uiga i isi tagata tauofo i se tauvaga tauofoga ina ia taui mai mo se ta’avale fou.

 

O nisi o fa'ata'ita'iga o faiga fa’atosina i fefa'atauaiga fa'apisinisi tuma'oti e mafai ona aofia ai:

·       E fa'atulagaina e le Fa'atonu o se kamupani a Niu Sila le pule o fa'atauga a se kamupani mo atunu’u i fafo e asiasi atu i Niu Sila i se malaga ua uma ona totogi vaega uma i taimi o tauvaga fa'atau.  O le asiasiga e aofia ai le tele o po i faletalimalo taugata, ulufale e matamata lakapi ma tinoitupe e fa'aalu i le kasino. O le kamupani a Niu Sila ua manumalo i le konekarate.

·       O se tagata faigaluega i fefa'atauaiga o se kamupani Niu Sila e malilie e totogi se tino i tupe fa’afo’i i le tagata faigaluega a se kamupani mai fafo e taui mo le fa'atagaina o le fa'atauina o oloa.

Afai e te silafiaina se tasi o tulaga nei, e tatau ona e mata’ala i le lamatiaga o le ono tupu o faiga fa’atosina mo atunu’u i fafo.  Ia i latou ta’ito’atasi e le o se mafua’aga lea e faia ai tulaga pi’opi’o, ae a tele fu'a mumu (fa’ailoga lamatia) o lo'o i ai, e ta'u mai ai e mana'omia se tulaga maualuga o le malamalama i tulaga lamatia.

Fu’a Mumu (fa’ailoga lapata’i) Tau Tupe

·       Tupe totogi tetele e le mafai ona fa’amatalaina i isi vaega i fafo po'o tagata faufautua

·       Totogi e faia i teugatupe i atunu’u i fafo po'o kamupani gaogao

·       O fefa'atauaiga ma fa'amaumauga e le manino pe leai foi

·       Fa'ateleina o pili po'o le ova o le totogiina o auaunaga

·       Fefa’atauaiga o tinoitupe tetele po o talosaga mo tupe totogi atu

 

Fu'a Mumu (fa’ailoga lamatia) o Amioga ma Fegalegaleaiga

·       Pa'aga fa'apisinisi po'o sui e mumusu e tu'uina atu fa'amatalaga e uiga i fefa'atauaiga

·       Talosaga e fa'afeso'ota'i tupe totogi e ala i isi vaega po'o teuga tupe e le feso'ota'i

·       O le fa’alilolilo e le masani ai po o le musu e fa’asoa atu fa’amaumauga o mea tautupe

·       O se tulaga maualuga e le fa’alaua’iteleina e fa’atatau i se konekarate fa'apitoa

·       Talosagaina e se tagata mo atunu’u i fafo ni totogi fa’aopoopo

·       O se isi vaega po'o se faufautua e talosagaina ni totogifuapauina fa'aopoopo e aunoa ma se fa'amatalaga

 

Fu'a Mumu (fa’ailoga lamatia) Fa'agaioiga

·       Konekarate ua manumalo e aunoa ma se fa’agasologa o tauofoga tauva.

·       Konekarate e tu'uina atu i se pati e leai se agava'a e fa'atino ai le konekarate

·       Feso'ota'iga masani pe le mata'ituina ma ofisa o le malo

·       Fa'afaigaluegaina o sui mai fafo po'o faufautua e aunoa ma le filiga tatau

·       Meaalofa tetele, femalagaa'i, po o le talimalo e tu’uina atu i tagata ofisa mo atunu’u i fafo

·       Fa'afuase'i ona fa'ateleina le manuia o pisinisi i atunu'u e maualuga le lamatiaga

O faiga fa’atosina mo atunu’u i fafo e fa'aleagaina ai le tauvaga talafeagai, fa'aleagaina le temokalasi ma le fa'atuatuaina i fa'alapotopotoga ma fa'aleagaina ai le tulaga lelei o le olaga.  E si’itia ai le tau o le faia o pisinisi ma u’unaia solitulafono fa’atulagaina ma isi taufa’amata’u i le saogalemu e ola ai.  E tupu i atunu'u uma, ae o lona a'afiaga e sili ona ogaoga i atunu'u atia'e, lea e fa'atupuina ai le le tutusa ma le le tonu ma fa'ato'ilaloina taumafaiga e fa'aitiitia le mativa ma fa'aleleia tulaga o le olaga.

E ala i le lipotia o faiga fa’atosina mai fafo, e te fesoasoani e:

·       Fa'atumauina le tala’aga a Niu Sila i le fa'amaoni i faiga pisinisi

·       Lagolago fefa'atauaiga talafeagai ma avanoa fa'atupeina

·       Fa'amalosia le taua i le lalolagi atoa e tete’e ai i faiga pi'opi'o

 

E taua lou leo. Afai e i ai ni au fa'amatalaga e uiga i faiga fa’atosina mo atunu’u i fafo, saunoa ma fa’ailoa mai. E ala i le tete'e atu i faiga pi'opi'o, e te fesoasoani e fa'amautinoa se siosiomaga talafeagai ma le fa'amaoni i le lalolagi atoa.

Afai e te faia se faitioga i le SFO e uiga i faiga fa’atosina mai fafo e feso'ota'i ma lau fale faigaluega, e mafai ona e ulufale i totonu o le puipuiga o le fa'ailoaina o lo'o i totonu o le Protected Disclosures (Protection of Whistleblowers) Act 2022 ('le Tulafono'). O le Tulafono o lo'o aiaiina ai le le fa’alauaiteleina ma le puipuiga mai le tauimasui mo tagata ta'ito'atasi e lipotia ni mea sese matuia i le fa'atuatua lelei.

E tusa lava pe e te agava'a mo le puipuiga i lalo o le Tulafono, e mafai lava ona e fa'aaogaina le SFO's Report Foreign Bribery tool e faia ai se lipoti fa’alilolilo. Mo le tumauina o lou fa’alilolilo, aua le tu'uina atu fa'amatalaga e ono fa'aalia ai lau tulaga galue i se fa'alapotopotoga ma, i le isi itu, e mafai ona fa'aalia ai lou tagata. E le gata i lea, e mafai ona e faia se lipoti e le fa’alaua’iteleina e fa'aaoga ai auala o lo'o fa'amatalaina i luga o upega tafa'ilagi a le SFO.

A'oa'o atili e uiga i fa'amatalaga puipuia e uiga i mea sese matuia i le galuega.