Gumawa ng ulat sa Dayuhang Panunuhol

Ang mga dayuhang opisyal ng publiko ay kinabibilangan ng iba’t ibang taong nagsisilbi sa isang dayuhang pamahalaan, kabilang ang mga miyembro o empleyado ng isang dayuhang gobyerno, mga miyembro ng hudikatura sa isang dayuhang bansa, mga taong nagtatrabaho sa mga kumpanyang pag-aari o kontrolado ng isang dayuhang gobyerno, at mga empleyado ng mga pampublikong pandaigdigang organisasyon.

Maraming anyo ang panunuhol at katiwalian, at ito ay pareho sa dayuhang panunuhol.  Sa simpleng salita ang dayuhang opisyal ng publiko ay inaalok ng isang bagay (nang direkta, o hindi direkta halimbawa, inaalok sa isang miyembro ng kanilang pamilya) kapalit ng paggawa ng dayuhang opisyal ng publiko ng bagay na hindi dapat o hindi paggawa ng bagay na dapat nilang gawin.

Ang mga ilang halimbawa ng dayuhang panunuhol na kasasangkutan ng mga tao sa New Zealand ay maaaring kabilangan ng:

·       Isang consultant na kumakatawan para sa isang New Zealand company ay nag-aalok ng libreng mga produkto sa isang opisyal ng dayuhang adwana upang hindi sundin ang mga regulasyong kinakailangan sa pag-iimporta ng mga kalakal.

·       Isang empleyado ng isang New Zealand company ay nag-aalok ng oportunidad ng trabaho sa anak ng isang empleyado ng isang dayuhang lokal na konseho kapalit ng pag-isyu ng isang lisensya sa negosyo para magpatakbo sa prubinsiya.

·       Isang dayuhang ahente ng isang New Zealand company ay nagbayad ng cash sa isang procurement manager ng isang dayuhang negosyong pag-aari ng estado para magtamo ng isang kontrata para sa New Zealand company.

·       Nagbigay ang isang dayuhang opisyal ng publiko sa isang New Zealand company ng impormasyon tungkol sa ibang mga kasali sa isang proseso ng tawaran sa proyekto kapalit ang isang bagong sasakyan.

 

Ang ilang mga halimbawa ng panunuhol sa mga pribadong transaksyon ng negosyo ay maaaring kabilangan ng:

·       Inaayos ng isang Direktor ng isang New Zealand company ang pagbisita ng procurement manager ng isang dayuhang kumpanya sa New Zealand na bayad lahat ng mga gastusin ng site visit sa panahon ng isang proseso ng competitive procurement.  Kalakip ng pagbisita ay ilang gabi ng maluhong tirahan, mga rugby ticket at cash para gastusin sa casino. Ang New Zealand company ay ginantimpalaan ng kontrata.

·       Ang isang sales employee ng isang New Zealand company ay pumayag na magsuhol sa empleyado ng isang dayuhang kumpanya kapalit ng pahintulot na pagbili ng mga kalakal.

Kung alam mo ang anuman sa mga sumusunod na pangyayari dapat na maging alerto ka sa panganib na maaaring nagaganap ang dayuhang panunuhol.  Kung nag-iisa maaaring hindi salik ang katiwalian, pero kung marami ng red flag ang nakikita, nagpapahiwatig na ito na kailangan na ng mataas na antas ng kamalayan sa panganib.

Mga Red Flag sa Pinansiya

·       Hindi maipaliwanag na malakihang mga kabayaran sa mga third parties (ikatlong partido) sa ibang bansa o mga consultant.

·       Mga kabayarang inilagay sa mga offshore account o mga kumpanya ng shell

·       Mga transaksyong may malabo o walang dokumentasyon

·       Pinalobong mga invoice (paktura) o sobrang bayad sa mga serbisyo

·       Malakihang mga transaksyon na cash o mga kahilingan para sa mga bayad na cash

 

Mga Red Flag sa mga Pakikitungo & Relasyon

·       Mga kapartner sa negosyo o mga ahenteng ayaw na magbigay ng mga detalye ng mga transaksyon

·       Mga hiling na idaan ang mga kabayaran sa mga third party o hindi kaugnay na mga account

·       Kakatwang paglilihim o pag-aatubiling ibahagi ang mga pampinansiyang rekord

·       Mataas na antas ng pag-iingat na hinihingi para sa isang partikular na kontrata

·       Isang dayuhang opisyal na nanghihingi ng karagdagang mga kabayaran

·       Isang third party o consultant na nanghihingi ng karagdagang mga kabayaran nang walang paliwanag

 

Mga Red Flag sa Operasyon

·       Pagkakaloob ng mga kontrata nang walang kumpitensya sa proseso ng bidding (tawaran)

·       Pagkakaloob ng mga kontrata sa isang partido na walang maliwanag na kakayahang tuparin ang kontrata

·       Malimit o hindi masubaybayang mga pakikipag-ugnayan sa mga opisyal ng gobyerno

·       Pag-upa ng mga dayuhang ahente o consultant nang walang angkop na kasigasigan

·       Sobra-sobrang mga regalo, paglalakbay, o pag-aasikasong ibinibigay sa mga dayuhang opisyal

·       Biglaang paglaki ng tagumpay ng negosyo sa mga bansang high-risk (mataas ang panganib)

Binabaluktot ng dayuhang panunuhol ang patas na kompetisyon, pinanghihina ang demokrasya at tiwala sa mga institusyon at winawasak ang kalidad ng buhay.  Pinatataas nito ang halaga ng pagnenegosyo at hinihikayat ang organisadong krimen at ibang mga pagbabanta sa seguridad na umunlad.  Ito ay nangyayari sa lahat ng mga bansa, pero ang epekto nito ay lalong malala sa mga bansang papaunlad, kung saan ito ay naggagatong sa kawalan ng pagkakapantay-pantay at hustisya at tinatalo ang mga pagsisikap na bawasan ang kahirapan at paunlarin ang pamumuhay.

Sa pamamagitan ng pag-uulat ng dayuhang panunuhol, ikaw ay tumutulong na:

·       Panatilihin ang reputasyon ng New Zealand sa integridad nito sa pagnenegosyo

·       Pagsuporta sa patas na pakikipag-kalakalan at oportunidad sa pamumuhunan

·       Pagpapalakas ng pandaigdigang labanan laban sa katiwalian

 

Ang iyong boses ay mahalaga. Kung mayroon kang impormasyon tungkol sa dayuhang panunuhol, magsalita ka. Sa pamamagitan ng pagtindig laban sa katiwalian, tumutulong kang matiyak ang isang patas at tapat na kapaligiran para sa pandaigdigang pagnenegosyo.

Kung ikaw ay gagawa ng reklamo sa SFO tungkol sa dayuhang panunuhol na may relasyon sa iyong lugar ng paggawa, maaari kang ipailalim sa protektadong rehimen ng pagsisiwalat na nakapaloob sa Protected Disclosures (Protection of Whistleblowers) Act 2022 (‘ang Batas’). Nagbibigay Ang Batas ng kompidensyalidad at proteksyon mula sa paghihiganti para sa mga taong nag-ulat ng malubhang gawaing masama sa mabuting pananampalataya.

Kahit na maging kuwalipikado ka para sa proteksyon sa ilalim ng Batas, maaari mo pa ring gamitin ang Kasangkapan sa Pag-ulat ng Foreign Bribery ng SFO para gumawa ng anonymous report. Para mamintina ang iyong anonymity, huwag kang magbibigay ng impormasyon na maaaring magbunyag ng iyong papel sa isang organisasyon at, dahil dito, maaaring mabunyag ang iyong pagkakakilanlan. Bilang kahalili, maaari kang gumawa ng isang kumpidensyal na ulat gamit ang mga mekanismong itinakda sa website ng SFO.

Alamin ang higit pa tungkol sa mga protektadong pagsisiwalat ng malubhang gawaing masama sa trabaho .