ʻAkakite i te petaʻanga nō te ʻenua kē

Te au tāngata ʻangaʻanga pāpū nō te ʻenua kē e ʻāpiʻi ana i tetaʻi au tū tangata rerekē e ʻangaʻanga ra nō tetaʻi kavamani ʻenua kē — mei te au mema me kore tāngata ʻangaʻanga i roto i te kavamani, te au tāngata nō te peu tōkera i tetaʻi ʻenua kē, te au tāngata ʻangaʻanga i te au pītiniti tei taoʻia me kore tei ʻakamanaʻia e tetaʻi kavamani ʻenua kē, ē te au tāngata ʻangaʻanga i te au putuputuʻanga pāpū o te ao.

Te petaʻanga ē teʻakatūkino e rauka i roto i te au tū tau rerekē, ē pēnei katoa te petaʻanga nō te ʻenua kē. I te tū tāʻito, te orongaʻia nei te tangata ʻangaʻanga pāpū nō te ʻenua kē i tetaʻi meitaki (tūmoumou rāi, me kore na tetaʻi mema o tōna ngutuare tangata), nō te raveʻanga i tetaʻi mea kāre meitaki, me kore nō te kore e rave i tetaʻi mea tei tau kia rave ʻē.

Tetaʻi au tatauʻanga nō te petaʻanga nō te ʻenua kē tei piri ki te au tāngata nō Niu Tīreni ka rauka i teia tū:

·       Te ʻōronga nei tetaʻi tangata tauturu e ʻangaʻanga ra nō tetaʻi pītiniti nō Niu Tīreni i tetaʻi au ʻapinga tau kore ki tetaʻi tangata ʻangaʻanga pāpū i te tūʻanga tapeka i tetaʻi ʻenua kē, kia kore eʻakamanako i tetaʻi au ture tau nō te apai mai i te au ʻapinga ki roto i te ʻenua.

·       Te ʻōronga nei tetaʻi tangata ʻangaʻanga i tetaʻi pītiniti nō Niu Tīreni i tetaʻi angaʻanga ki te tamaiti a tetaʻi tangata ʻangaʻanga nō te Konitara o tetaʻi ʻenua kē, nō te tiki mai i tetaʻi ʻāpiʻi ʻangaʻanga kia rauka i te raveʻanga ʻangaʻanga i roto i taua ngāʻi rā.

·       Te ʻōronga nei tetaʻi tangata tutu nō tetaʻi pītiniti nō Niu Tīreni i tetaʻi moni ki te tangata ʻakatau ʻapinga o tetaʻi pītiniti nā tetaʻi kavamani i te ʻenua kē, nō te ʻakapāpū i tetaʻi ʻakatereʻanga ʻangaʻanga na taua pītiniti nō Niu Tīreni.

·       Te ʻōronga mai nei tetaʻi tangata ʻangaʻanga pāpū nō tetaʻi ʻenua kē i te au tuatua nō runga i te au pātī kē atu i roto i tetaʻi ʻakatūtū ʻanga ʻakatereʻanga, ki tetaʻi pītiniti nō Niu Tīreni, nō te rauka i tetaʻi au meaʻakaoro.

 

Tetaʻi au tatauʻanga nō te petaʻanga i roto i te au ʻangaʻanga ʻakamāmā ka rauka i teia tū:

·       Te ʻakanoʻonoʻo nei tetaʻi Tumu o tetaʻi pītiniti nō Niu Tīreni i te aravei mai o te tangata ʻakatau ʻapinga o tetaʻi pītiniti nō tetaʻi ʻenua kē ki Niu Tīreni, na runga i tetaʻi tere kāre e totou ana, i te tuātau o tetaʻi ʻakatūtū ʻanga ʻakatau. Teia turanga ka kapiti i te au po e manganui i te ngai no‘o teitei e manea, te au tiketi tueporo, e te moni tei akakoro ia no te akapouanga i te kasino. Kua orongaʻia te ʻakatereʻanga ʻangaʻanga ki te pītiniti nō Niu Tīreni.

·       Kua ʻakarongo tetaʻi tangata ʻangaʻanga i te tuʻanga ʻakatūtū o tetaʻi pītiniti nō Niu Tīreni i te ʻōronga i tetaʻi moni tāpiri ki tetaʻi tangata ʻangaʻanga nō tetaʻi pītiniti i tetaʻi ʻenua kē, nō te ʻakatika i te tikiʻanga mai i te au ʻapinga.

Me kua kite koe i tetaʻi o te au tūatau i raro nei, me ʻakamatakite koe i te tuātu e petaʻanga nō te ʻenua kē tē tupu ra. Kāre teia au tapora riri e ʻakakite tikāi e te petaʻanga tei roto, inārā me kitea mai e manganui te au tapora riri, e ʻakakite mai rāi e tei runga atu te tuātu e petaʻanga, e meitaki kia ʻakamatakite tikāi.

Tapora Riri Tū Moni

·       Te ʻōrongaʻanga moni maʻata ki te au tangata tauturu me kore tangata kē atu nō te ʻenua kē, kāre rava e ʻakakiteʻia te tumu

·       Te tūtakiʻanga moni ki te au pūkete i te ʻenua kē me kore ki te au pītiniti tapoki

·       Te au tūtakiʻanga kāre i ʻakakite maataia, me kore kāre e pēpa ʻakapāpūʻanga

·       Te au pēpa ʻakapāpūʻanga tāʻeta me kore te tūtaki i runga atu i te tūranga

·       Te au tūtakiʻanga moni maʻata i te moni pēpa, me kore te patiʻanga nō te tūtaki moni pēpa

 

Tapora Riri nō te Tū ʻAnga ē te Au Tū Tāʻokotaiʻanga

·       Te au tāʻokotaʻi ʻangaʻanga me kore au tangata tutu tei ʻakaruke i te ʻōronga mai i te au tuatua nō runga i te au tūtakiʻanga

·       Te patiʻanga kia tūtaki na roto i te au tangata kē atu me kore te au pūkete kāre e piri ana

·       Te tū pipiri tau kore me kore te ʻakaruke i te ʻōronga mai i te au tataʻanga moni

·       Te patiʻanga kiaʻakariro maʻata te tū ngāteitei nō runga i tetaʻi ʻakatereʻanga ʻangaʻanga takake

·       Te pati mai nei tetaʻi tangata ʻangaʻanga pāpū nō te ʻenua kē i tetaʻi tūtaki tāpiri

·       Te pati mai nei tetaʻi tangata kē atu me kore tauturu i tetaʻi tūtaki tāpiri kāre e ʻakakiteʻia te tumu

 

Tapora Riri nō te Tū ʻAnga ʻAnga

·       Te ʻōrongaʻanga i te ʻakatereʻanga ʻangaʻanga kāre i na roto i tetaʻi ʻakatūtū ʻanga ikiʻanga

·       Te ʻōrongaʻanga i te ʻakatereʻanga ʻangaʻanga ki tetaʻi tangata me kore pītiniti kāre e kitea ana tōna māroʻiroʻi nō te rave i taua ʻangaʻanga rā

·       Te ʻōrongaʻanga i te ʻakatereʻanga ʻangaʻanga ki tetaʻi tangata me kore pītiniti kāre e kitea ana tōna maru i te rave i taua ʻangaʻanga rā

·       Te angaʻanga i te au tangata tutu me kore tauturu nō tetaʻi ʻenua kē kāre i na roto i te kimiʻanga meitaki mua

·       Te ʻōronga atu i te au meitaki tāpiri, te tere, me kore te ʻakaangiangi ririnui ki te au tangata ʻangaʻanga pāpū nō te ʻenua kē

·       Tetaʻi maroiroi ʻakavēʻē i te ʻakatupuʻanga ʻangaʻanga i te au ʻenua e te tuātu teitei

Te petaʻanga nō te ʻenua kē e ʻakatūkē i te ʻakatūtū tau, e ʻakakino i te ture tangata ē te tiakiʻanga i te au tūʻanga tāokotai, ē e ʻakaroʻiroʻi i te oraʻanga meitaki o te iti tangata. E ʻakatika te reira i te petaʻanga i te ʻakakeu i te tū utuutu ʻanga kino, e te au manamanatā kē atu tei tau i te pāruruʻanga o te iti tangata. Tē tupu nei te petaʻanga i roto i te au ʻenua katoatoa, inārā te mamae ririnui tikāi i roto i te au ʻenua e ʻakamou ake nei i to rātou tū oraʻanga, i reira, te ʻakatu i te tū kerekere ē te tū tarevake, ē te ʻakatama i te au manako meitaki nō teʻakaiti i te pauroa ē te ʻakamanea i te oraʻanga o te iti tangata.

Na te ʻakakite i te petaʻanga nō te ʻenua kē, ka tauturu koe i te:

·       Tiaki i te tū rangatira o Niu Tīreni nō te tū tika i roto i te ʻangaʻanga ʻakamāmā

·       Tauturu i te ʻakatūtū tau i roto i te ʻakaū ʻangaʻanga ē te au tū tārua moni

·       ʻAkapiki i te tamaki o te ao nei ki te petaʻanga

 

E puʻapinga tōʻou reo. Me tāʻau ʻakakiteʻanga nō runga i te petaʻanga nō te ʻenua kē, tuatua mai. Na te tū atu i te petaʻanga, ka tauturu koe i te ʻakatinamou i tetaʻi tū tau ē tū tika i roto i te ao ʻangaʻanga.

Me tuku koe i tetaʻi tāmanakoʻanga ki te SFO nō runga i te petaʻanga nō te ʻenua kē e piri ana ki tōʻou ngāʻi ʻangaʻanga, ka rauka koe i raro i te ture pāruru i te au ʻakakite ngāteitei, tei roto i te Ture Protected Disclosures (Protection of Whistleblowers) 2022 (ʻte Ture’). Te ʻōronga mai nei te Ture i te pāruru ngāteitei ē te pāruru i te tangata kia kore eʻakatupuʻia mai tetaʻi kino, nō te ʻakakite i tetaʻi kino ririnui i raro i te tū manako meitaki.

Ākera me e rauka koe i te pāruru i raro i te Ture, ka rauka rāi ia koe i te ʻakakite ngāteitei na roto i te ʻapinga ʻAkakite i te Petaʻanga nō te ʻEnua Kē a te SFO. No te tiaki i tōʻou tū ngāteitei, ʻauraka koe e ʻōronga mai i te au tuatua ka rauka i te ʻakakite i tōʻou tūranga i roto i tetaʻi putuputuʻanga, ē ka rauka nō reira te kite atu ko ai koe. Me kore, ka rauka ia koe i te tuku mai i tetaʻi ʻakakiteʻanga ngāteitei na roto i te au ravenga tei ʻakatakaʻia i runga i te pae tukutuku a te SFO.

Kimi mai i te kiteʻanga maʻata atu nō runga i te ʻakakiteʻanga tā‘iti nō te au ravenga tūkinokino i te ngāʻi ʻangaʻanga.